ప్రతీ యేటా చలనచిత్ర రంగంలో అత్యుత్తమ ప్రతిభ కనబర్చిన దర్శకులకు, నటీనటులకు, రచయితలకు మరియు ఇతర సాంకేతిక నిపుణులకు ఇచ్చే ప్రతిష్టాత్మక అవార్డ్స్ లలో ఆస్కార్ అవార్డు చాల గొప్పది. ఈ అవార్డు కు ఎక్కువగా హాలీవుడ్ చిత్రాలు వెళ్ళడం జరుగుతుంది..అలాంటి అవార్డ్స్ లలో మన తెలుగు నటుడు సాయి కుమార్ నటించిన చిత్రం వెళ్ళడం అనేది గొప్ప విషయం..కాకపోతే మన తెలుగు సినిమా కాదు..సాయికుమార్ ప్రధాన పాత్రలో నటించిన కన్నడ సినిమా 'రంగితరంగ' ఆస్కార్ ఫైనల్స్ కు ఎంపిక అయ్యింది. నూతన దర్శకుడు అనూప్ భండారీ దర్శకత్వంలో తెరకెక్కిన 'రంగితరంగ' కమర్షియల్ సక్సెస్ సాధించటంతో పాటు విమర్శకుల ప్రశంసలు కూడా అందుకుంది. ఇప్పటికే ఆస్కార్ అవార్డ్స్ ఫైనల్స్ కు చేరిన ఈ సినిమా వచ్చే నెల జరగనున్న 88వ అకాడమీ అవార్డ్స్ ఫంక్షన్ లో అవార్డు సాధించటం ఖాయమన్న నమ్మకంతో చిత్ర యూనిట్ ఉన్నారు.