హైదరాబాద్ శివారులోని కాప్రాలో గ్యాస్‌ సిలిండర్‌ పేలింది. ఓ బిల్డింగ్‌ ధ్వంసమైంది. ఉదయాన్నే సెలూన్‌ ఓపెన్ చేసేందుకు రోడ్డుపై వెళ్తున్న నర్సింగ్ అనే వ్యక్తి గోడ పడి ప్రాణాలు కోల్పోయాడు. మరో 8 మంది తీవ్రంగా గాయపడ్డారు. వారిని సమీపంలోని ఆస్పత్రికి తరలించారు. ఇద్దరి పరిస్థితి విషమంగా ఉన్నట్టు వైద్యులు తెలిపారు. నిబంధనలకు వ్యతిరేకంగా గ్యాస్ సిలిండర్లను ఫిల్లింగ్ చేస్తుండగా పేలుడు సంభవించినట్టు అనుమానాలు వ్యక్తం అవుతున్నాయి.