జెడ్డా: ఇండియన్‌ ఎంటర్‌టైన్‌మెంట్‌ కంపెనీలతో కుదురుచకున్న ఒప్పందాల నేపథ్యంలో జనరల్‌ ఎంటర్‌టైన్‌మెంట్‌ అథారిటీ ఆసక్తికరమైన విషయాల్ని వెల్లడించింది. రానున్న రోజుల్లో సౌదీ అరేబియాలో పలు ఈవెంట్స్‌ని నిర్వహించనున్నామనీ, వీటిలో పలువురు బాలీవుడ్‌ ప్రముఖులు ప్రదర్శనలతో ఆకట్టుకుంటారని అధికారులు తెలిపారు. సౌదీ - భారత్‌ మధ్య సన్నిహిత సంబంధాలు మరింత మెరుగయ్యేందుకు ఈ ఒప్పందాలు దోహదపడతాయని వారు చెప్పారు. సౌదీ క్రౌన్‌ ప్రిన్స్‌ మొహమ్మద్‌ బిన్‌, భారతదేశంలో పర్యటించిన సందర్బంగా ఈ ఒప్పందాలు కుదిరాయి. తొలి రోజు పర్యటనలో ఇరు దేశాలకు చెందిన 400 మంది అధికారులు, వ్యాపారవేత్తలు పాల్గొన్నారు. 'ఇన్వెస్ట్‌ ఇన్‌ సౌదీ అరేబియా' పేరుతో ఓ ఎగ్జిబిషన్‌ కూడా జరిగింది. పలు సౌదీ కంపెనీలు, తమ సేవల్ని ఇక్కడ షోకేస్‌ చేశాయి.