మస్కట్‌:హత్యాయత్నం, దొంగతనం, ఆల్కహాల్‌ విక్రయం అభియోగాలను ఎదుర్కొంటోన్న ఓ వ్యక్తిని దోఫార్‌ గవర్నరేట్‌ పరిధిలో పోలీసులు అరెస్ట్‌ చేశారు. దోఫార్‌ గవర్నరేట్‌ పోలీస్‌ - డిపార్ట్‌మెంట్‌ ఆఫ్‌ క్రిమినల్‌ ఇన్వెస్టిగేషన్‌, సలాలా పోలీస్‌ స్టేషన్‌ కలిసి నిర్వహించిన ఆపరేషన్‌లో ఆసియా జాతీయుడ్ని అరెస్ట్‌ చేశారు. ఓ వ్యక్తిని ఈ నిందితుడు కత్తితో పొడిచాడని, విలాయత్‌ ఆఫ్‌ సలాలాలో ఈ ఘటన జరిగిందనీ, ఆర్థిక వివాదమే ఈ ఘటనకు కారణమని రాయల్‌ ఒమన్‌ పోలీస్‌ వెల్లడించడం జరిగింది. మరో కేసులో డిపార్ట్‌మెంట్‌ ఆఫ్‌ క్రిమినల్‌ ఇన్వెస్టిగేషన్‌, ఆ్కలహాల్‌ సేవించడం, అలాగే అక్రమంగా విక్రయించడం వంటి అభియోగాల నేపథ్యంలో ఓ అనుమానితుడ్ని అరెస్ట్‌ చేశారు. నిందితుడు ఆసియా జాతీయుడని రాయల్‌ ఒమన్‌ పోలీస్‌ తెలిపింది.