కువైట్‌: ఆసియాకి చెందిన వలసదారుడొకరు అడ్డదారిలో డబ్బు సంపాదించేందుకోసం ప్రమాదకరమైన రీతిలో రోడ్డుపై విన్యాసాలు చేస్తున్న వీడియో ఒకటి సోషల్‌ మీడియాలో వైరల్‌గా మారింది. వేగంగా దూసుకొస్తున్న ఖరీదైన వాహనానికి అడ్డంగా వెళ్ళి, ఆ తర్వాత ఆ వాహనదారుడ్ని బెదిరించి, డబ్బు డిమాండ్‌ చేస్తున్నాడు నిందితుడు. మార్చి 16న ఈ వీడియో వెలుగు చూడగా, దానికి సంబంధించి విచారణ చేపట్టినట్లు అధికారులు పేర్కొన్నారు. నిందితుడ్ని వలసదారుడిగా గుర్తించామనీ, అతన్ని త్వరలో పట్టుకుంటామని అధికారులు వివరించారు.