గత ఏడాది జూన్‌లో తన రూమ్‌మేట్‌ని హత్య చేసిన కేసులో అభియోగాలు ఎదుర్కొన్న వ్యక్తికి హై క్రిమినల్‌ కోర్ట్‌ ఆఫ్‌ అప్పీల్స్‌లో కొంత ఊరట లభించింది. కేసు వివరాల్లోకి వెళితే 38 ఏళ్ళ నిందితుడికి 10 ఏళ్ళ జైలు శిక్ష విధించింది న్యాయస్థానం. తాజా తీర్పుతో ఆ శిక్ష ఏడేళ్ళకు తగ్గింది. ఘటన జరిగిన సమయంలో ఇద్దరూ ఆల్కహాల్‌ సేవించి వున్నారనీ, మాటల యుద్ధం ముదిరి ఘర్షణకు దారితీసిందనీ, ఈ క్రమంలోనే హత్య జరిగిందని విచారణలో తేలింది. హత్య అనంతరం నిందితుడు పారిపోగా, పోలీసులు అతన్ని అరెస్ట్‌ చేశారు. నిందితుడు భారతదేశానికి చెందిన వలసదారుడు.