నేషనల్‌ సెంటర్‌ ఫర్‌ మిటియరాలజీ, యూఏఈ వాసులకు డస్టీ వెదర్‌ కండిషన్స్‌పై అలర్ట్‌ జారీ చేసింది. ప్రస్తుత పరిస్థితుల్లో విజిబిలిటీ చాలా పూర్‌గా వుంటుందనీ, అది 2000 మీటర్లకు పడిపోయిందని ఎన్‌సిఎం స్పష్టం చేసింది. వాహనదారులు తమ వాహనాలు నడిపే క్రమంలో అత్యంత జాగ్రత్తగా వుండాలని అధికారులు సూచిస్తున్నారు. కాగా, షేక్‌ మొహమ్మద్‌ బిన్‌ జాయెద్‌ రోడ్‌ - ఇ311 వద్ద ఓ ప్రమాదం జరిగినట్లు అధికారులు పేర్కొన్నారు. ఈ ప్రమాదం కారణంగా ట్రాఫిక్‌ సమస్యలు తలెత్తాయి. తీర ప్రాంతాల్లో వర్షం కురిసే అవకాశం వుందని కూడా ఎన్‌సిఎం వెల్లడించింది. బుధవారం కొన్ని చోట్ల పాక్షికంగా ఆకాశం మేఘావృతం కాగా, పలు చోట్ల ఇంకాస్త ఎక్కువగా మేఘాలు అలముకున్నాయి. ఈ వాతావరణ పరిస్థితుల నేపథ్యంలో ఉష్ణోగ్రతలు గణనీయంగా తగ్గుతున్నాయి.