దుబాయ్‌ అంతర్జాతీయ విమానాశ్రయం టెర్మినల్‌ 2 వద్ద భారతదేశానికి చెందిన ఓ మహిళ ప్రసవ వేదనకు గురికాగా, అదే ఎయిర్‌ పోర్ట్‌లో ఇన్‌స్పెక్టర్‌గా పనిచేస్తున్న హన్నన్‌ హుస్సేన్‌ మొహమ్మద్‌ స్పందించారు, బాధిత మహిళకు ప్రసవంలో సహాయపడ్డారు. ఆ క్షణంలో బాధితురాలికి అండగా నిలిచారు. ఇన్‌స్పెక్షన్‌ రూమ్‌కి బాధిత మహిళను హుటాహుటిన తరలించి, ఆ మహిళకు ప్రసవం అయ్యేలా చేశారు. పుట్టిన తర్వాత బిడ్డ బేబీకి శ్వాస అందకపోవడంతో, కార్డియో పల్మనరీ రిసర్సియేషన్‌ (సిపిఆర్‌) కూడా నిర్వహించారు హనన్‌. ఆ తర్వాత ఆ మహిళ, ఆమె బిడ్డను ఆసుపత్రికి అంబులెన్స్‌లో తరలించారు. దుబాయ్‌ పోలీస్‌ - జనరల్‌ డిపార్ట్‌మెంట్‌ ఆఫ్‌ ఎయిర్‌ పోర్ట్‌ సెక్యూరిటీ డైరెక్టర్‌ బ్రిగేడియర్‌ అలి అతిక్‌ బిన్‌ లహెజ్‌, హనన్‌ని సత్కరించారు. ఓ మహిళకు ప్రసవం విషయంలో సాయపడటం చాలా ఆనందాన్నిచ్చిందని హనన్‌ చెప్పారు.