కువైట్‌ సిటీ: భారతీయ వలసదారుడొకరు తన స్పాన్సరర్‌కి సంబంధించిన వుడెన్‌ హౌస్‌లో ఆత్మహత్యకు పాల్పడ్డారు. స్పాన్సరర్‌ ఫిర్యాదు మేరకు పోలీసులు ఘటనపై కేసు నమోదు చేశారు. తాను ఇంటి వద్దకు వెళ్ళి చూసే సరికి, వుడెన్‌ హౌస్‌లో అచేతనావస్థలో వర్కర్‌ పడి వున్నట్లు తెలిపారు స్పాన్సరర్‌. మృతదేహాన్ని ఫోరెన్సిక్‌ ల్యాబ్‌కి తరలించారు. వర్మర్‌, ఆత్మహత్య చేసుకున్నట్లు పోలీసులు వెల్లడించారు. మెడకు తాడు బిగించుకుని, ఉరివేసుకున్నాడని, కేసు విచారణ దశలో వుందని పోలీసులు వివరించారు. మృతికి గల కారణాల్ని అన్వేషిస్తున్నామని అన్నారు పోలీసులు. మరో ఘటనలో బంగ్లాదేశీ వ్యక్తి మినిస్ట్రీ ఆఫ్‌ డిఫెన్స్‌ క్యాంప్‌ పక్కనే అనుమానాస్పద స్థితిలో మృతిచెంది కన్పించారు. జహ్రాలో ఈ ఘటన చోటు చేసుకుంది.