మస్కట్‌: ఒమన్‌ మిటియరాలజీ అథారిటీ, ఒమన్‌లో భారీ వర్షాలు కురిసే అవకాశం వున్నట్లు హెచ్చరించింది. మే 19, ఆదివారం ఒమన్‌లో భారీ వర్షాలు కురిసే అవకాశం వున్నందున, ప్రజలు తగిన జాగ్రత్తలు తీసుకోవాలని పబ్లిక్‌ అథారిటీ ఫర్‌ సివిల్‌ ఏవియేషన్‌ హెచ్చరించింది. కొన్ని ప్రాంతాల్లో 40 నుంచి 90 మిల్లీ మీటర్ల వర్షం కురిసే అవకాశం వుంది. వాడీస్‌ ఓవర్‌ ఫ్లో అయ్యే అవకాశం వుందన్నది అధికారుల హెచ్చరికల సారాంశం. థండర్‌ స్టార్మ్‌తో అప్రమత్తంగా వుండాలనీ, వాడీలను దాటేటప్పుడు తగు జాగ్రత్తలు తీసుకోవాలని అధికారులు చెబుతున్నారు. పల్లపు ప్రాంతాల్లోని ప్రజలు ఎత్తయిన ప్రాంతాలకు తరలి వెళ్ళాలని అధికారులు సూచించారు.