భారత వలసదారుడు ముస్తాక్‌ అహ్మద్‌, తన కుమారుడికి నరేంద్ర మోడీ అనే పేరు పెట్టారు. భారత ప్రధాని నరేంద్ర మోడీ తన చిన్నారిని ఆశీర్వదించాలని ఆకాంక్షిస్తున్నారాయన. ఉత్తరప్రదేశ్‌లోని తన స్వగ్రామానికి నరేంద్ర మోడీ రావాలనీ, తమ చిన్నారి మోడీని ఆశీర్వదించాలని తాను ఆకాంక్షిస్తున్నట్లు చెప్పారుఅ హ్మద్‌. దుబాయ్‌ నుంచి 130 కిలోమీటర్ల దూరంలోగల హట్టాలోని ఓ ఇంటీరియర్‌ డెకార్‌ కంపెనీలో మెయిన్‌టెనెన్స్‌ స్టాఫ్‌గా పనిచేస్తున్నారు అహ్మద్‌. మే 23న తన భార్య తనకు కుమారుడు పుట్టాడనే సమాచారం అందించిందనీ, అప్పుడే తాను 'దేశంలో మోడీ మళ్ళీ వచ్చారు.. మన ఇంట్లోకి కూడా మోడీ వచ్చారు' అని చెప్పానని అన్నారు అహ్మద్‌ ఎంతో ఉద్వేగంగా. అహ్మద్‌ మరియు ఆయన భార్య బేగంకు చిన్నారి మోడీ మూడో సంతానం. ఉతరతప్రదేశ్‌లోని గోండాకి చెందిన ఈ ముస్లిం జంటకు మాతాజా, ఫాతిమా అనే కుమార్తెలు కూడా వున్నారు. 29 ఏళ్ళ అహ్మద్‌, ఐదేళ్ళ క్రితమే యూఏఈకి వచ్చారు.