కువైట్‌:కువైట్‌లోని ఇండియన్‌ ఎంబసీ, ఫేక్‌ రిక్రూట్‌మెంట్‌ ఎజెన్సీలు అలాగే కంపెనీల పట్ల అప్రమత్తంగా వుండాలని తమ పౌరుల్ని హెచ్చరించింది. ఉద్యోగాలు చూపిస్తామంటూ వచ్చే ప్రకటనల పట్ల జాగ్రత్తగా వ్యవహరించాలనీ, పూర్తిస్థాయి సమాచారాన్ని పరిశీలించాకనే ఆయా సంస్థల్ని ఆశ్రయించడం మేలని ఎంబసీ ఓ ప్రకటనలో సూచించింది. రిక్రూట్‌మెంట్‌ ఏజెన్సీలు, కంపెనీలకు సంబంధించి ఎంబసీ, తన వెబ్‌సైట్‌లో కొన్ని వివరాలు పొందుపరిచిందనీ, అందులో తగిన వివరాలు లభ్యమవుతాయని అధికారులు చెబుతున్నారు. జాబ్‌ ఆపర్చ్యూనిటీస్‌ వెరిఫై చేసుకోవడానికి ఓ వెబ్‌సైట్‌ కూడా అందుబాటులో వుందని ఆ వివరాల్నీ ఎంబసీలో చెక్‌ చేసుకోవచ్చని పేర్కొన్నారు. ఇండియన్‌ ఎంబసీ కువైట్‌ని సంప్రదిస్తే, ఎలాంటి సమస్యలూ వుండవని ఎంబసీ చెబుతోంది.