అబుధాబి పోలీసులు, లైసెన్స్‌ లేకుండా వాహనాలు నడుపుతున్న మోటరిస్టులను హెచ్చరించారు. ట్రాఫిక్‌ నిబంధనల్ని అనుసరించి ప్రతి ఒక్కరూ వాహనాలు నడపాల్సి వుంటుందని, వాహనదారులు వ్యాలీడ్‌ డ్రైవింగ్‌ లైసెన్స్‌ కలిగి వుండాలని పోలీస్‌ ఉన్నతాధికారి ఒకరు స్పష్టం చేశారు. రెక్లెస్‌ డ్రైవింగ్‌ అలాగే లైసెన్స్‌ లేని డ్రైవింగ్‌కి కఠిన చర్యలు తప్పవని హెచ్చరించారు పోలీస్‌ ఉన్నతాధికారి లెఫ్టినెంట్‌ కల్నల్‌ అబ్దుల్లా అల్‌ సువైది. నిబంధనలు ఉల్లంఘించినవారికి 3 అత్యధికంగా మూడు నెలల జైలు శిక్ష అలాగే 5,000 జరీమానా విధించే అవకాశాలున్నట్లు తెలిపారు అబుధాబి పోలీస్‌ డిపార్ట్‌మెంట్‌ - ట్రాఫిక్‌ అండ్‌ పెట్రోల్స్‌ - డిపార్ట్‌మెంట్‌ ఆఫ్‌ ఎక్సటర్నల్‌ జోన్స్‌ డిప్యూటీ డైరెక్టర్‌ లెఫ్టినెంట్‌ కల్నల్‌ అల్‌ సువైది.