కువైట్‌: క్రిమినల్‌ కోర్టు, ఆసియా వలసదారుడికి మరణ శిక్ష విధించింది. తొమ్మిదేళ్ళ కుమార్తెపై నిందితుడు లైంగిక దాడికి పాల్పడినట్లు అభియోగాలు మోపబడ్డాయి. అయితే, చిన్నారి తల్లి మాత్రం తన భర్తపై వచ్చిన ఆరోపణల్ని తప్పుపడుతున్నారు. ఈ మేరకు ఆమె కోర్టులో పిటిషన్‌ దాఖలు చేయగా, న్యాయస్థానం ఆ పిటిషన్‌ని తోసిపుచ్చింది. బాధిత చిన్నారి, తన తండ్రి తనపై లైంగిక దాడికి పాల్పడినట్లు పేర్కొంది. ఒకే రోజు రెండు సార్లు తన మీద లైంగిక దాడి జరిగిందని చిన్నారి తెలిపింది. మరోపక్క ఫోరెన్సిక్‌ రిపోర్ట్‌లోనూ నిందితుడి నేరం రుజువయ్యింది. దాంతో, నిందితుడు తప్పించుకోవడానికి వీల్లేకుండా పోయింది.