బహ్రెయిన్‌: సివిల్‌ ర్వీస్‌ బ్యూరో (సిఎస్‌బి) ప్రెసిడెంట్‌ అహ్మద్‌ అల్‌ జాయెద్‌, ఇన్ఫర్మేషన్‌ మరియు ఇ గవర్నమెంట్‌ అథారిటీ (ఐజిఎ) చీఫ్‌ ఎగ్జిక్యూటివ్‌ ఆఫీసర్‌ మొహమ్మద్‌ అలి అల్‌కయీద్‌ సంయుక్తంగా ఎంప్లాయిమెంట్‌ అప్లికేషన్‌ సర్వీస్‌ ప్యాకేజీని ప్రారంభించారు. ఈ స్కీమ్‌ నేటినుంచే బహ్రెయిన్‌ నేషనల& పోర్టల్‌ ద్వారా లభ్యమవుతుంది. కొత్త సర్వీస్‌ ద్వారా అప్లికేషన్లను నమోదు చేసే సమయం 35 నిమిషాల వరకు తగ్గుతుందనీ, కేవలం 7 నిమిషాల్లోనే అప్లికేషన్‌ని నింపేందుకు వీలుగా ఇ-సర్వీస్‌ని ప్రారంభించామని అధికారులు పేర్కొన్నారు. సిఎస్‌బిలో జాబ్‌ ఇన్ఫర్మేషన్‌ యూనిట్‌ని సందర్శించి, అప్లికేషన్‌ నమోదు చేయడానికి కొంత సమయం పట్టేదనీ, ఇకపై ఆ అవసరం వుండదని అధికారులు అంటున్నారు. పేపర్‌ వర్క్‌ని ఈ అప్లికేషన్‌ తగ్గిస్తుందనీ వారంటున్నారు. మ్యాన్యువల్‌గా అప్లికేషన్‌ అందించే విధానం జులై నుంచి నిలిపివేయబడ్తుంది.