కువైట్‌: మినిస్టర్‌ ఆఫ్‌ అవ్‌కాఫ్‌ అండ్‌ ఇస్లామిక్‌ ఎఫైర్స్‌ అలాగే మినిస్టర్‌ ఆఫ్‌ స్టేట్‌ ఫర్‌ మునిసిపల్‌ ఎఫైర్స్‌ ఫహాద్‌ అల్‌ షులా, 1000 మంది స్టూడెంట్స్‌కి 230,000 కువైటీ దినార్స్‌ ఫీజుల్ని జనరల్‌ సెక్రెటేరియట్‌ ఆఫ్‌ అవ్‌కాఫ్‌ చెల్లించిందని వెల్లడించారు. గత ఎకడమిక్‌ ఇయర్‌ ముగిసే లోపుగానే ఈ చెల్లింపులు జరిగాయని ఆయన వివరించారు. పేద విద్యార్థులపై ఆర్థిక భారం తగ్గించే క్రమంలో ఈ చర్యలు తీసుకున్నామని ఆయన తెలిపారు. కువైట్‌ రెడ్‌ క్రిసెంట్‌ సంసైటీ, నజాత్‌ ఛారిటీ అసోసియేషన్‌ అలాగే కువైట్‌ ఇంటర్నేషనల్‌ ఛారిటీ అండ్‌ డెవలప్‌మెంట్‌ అసోసియేషన్‌ సహాయ సహకారాలతో ఇంత గొప్ప కార్యక్రమాన్ని చేపట్టగలిగినట్లు తెలిపారు ఫహాద్‌ అల్‌ షులా.