బహ్రెయిన్‌: మెడికల్‌ నెగ్లిజెన్స్‌ కేసులో బాధిత కుటుంబానికి 29,000 బహ్రెయినీ దినార్స్‌ చెల్లించాల్సిందిగా హెల్త్‌ మినిస్ట్రీని సెకెండ్‌ హై సివిల్‌ కోర్ట్‌ ఆదేశించింది. కేసు వివరాల్లోకి వెళితే, 2014లో ఓ వ్యక్తి కత్తి పోట్లతో సల్మానియా మెడికల్‌ కాంప్లెక్స్‌లో చేరారు. అయితే, సరైన చికిత్స చేయకుండా అతన్ని సల్మానియా మెడికల్‌ కాంప్లెక్స్‌ డిశ్చార్జి చేసినట్లుగా బాధిత కుటుంబం ఆరోపించింది. ఆసుపత్రి నుంచి డిశ్చార్జి అయ్యాక నిందితుడు తీవ్ర అస్వస్థతకు గురై కొద్ది రోజులకే ప్రాణాలు కోల్పోయాడు. ఈ నేపథ్యంలో బాధిత కుటుంబం కోర్టును ఆశ్రయించగా, సుదీర్ఘ విచారణ అనంతరం ఆసుపత్రి నిర్లక్ష్యాన్ని న్యాయస్థానం గుర్తించి, బాధిత కుటుంబానికి నష్టపరిహారం చెల్లించాల్సిందిగా మినిస్ట్రీని ఆదేశించడం జరిగింది.