సౌదీ అరేబియా: ఇరాన్‌ మద్దతుతో హౌతీ తీవ్రవాదులు జరిపిన దాడిలో మొత్తం 9 మంది గాయపడ్డారు. అభా ఇంటర్నేషనల్‌ ఎయిర్‌ పోర్ట్‌ వద్ద ఈ దాడి జరిగింది. కోలిషన్‌ ఫోర్సెస్‌ అధికార ప్రతినిథి కల్నల్‌ టుర్కి అల్‌ మాల్కి కమాట్లాడుతూ, మంగళవారం అర్థరాత్రి ఈ ఘటన జరిగిందని పేర్కొన్నారు. ఈ ఘటనలో తొమ్మిది మంది గాయపడ్డట్లు ఆయన వివరించారు. గాయపడ్డవారి పరిస్థితి స్టేబుల్‌గా వుందనీ, వెంటనే వారిని సమీపంలోని ఆసుపత్రులకు తరలించి వైద్య చికిత్స అందిస్తున్నామని చెప్పారు కల్నల్‌ అల్‌ మాల్కి. ఇటీవలి కాలంలో వరుసగా అభా అంతర్జాతీయ విమానాశ్రయమే లక్ష్యంగా తీవ్రవాదులు దాడులకు తెగబడ్తున్నారు.