అబుదాబీ మునిసిపాలిటీ 366 బాక్సుల కౌంటర్‌ఫిట్‌ కాస్మొటిక్‌ ప్రోడక్ట్స్‌ని వివిధ కమర్షియల్‌ ఔట్‌లెట్స్‌ నుంచి స్వాధీనం చేసుకోవడం జరిగింది. ఫేక్‌ గూడ్స్‌ గురించి వచ్చిన విశ్వసనీయ సమాచారంతో సోదాలు నిర్వహించిన అధికారులు, ఆయా కమర్షియల్‌ ఔట్‌లెట్స్‌ నుంచి పెద్దయెత్తున స్వాధీనం చేసుకున్న ఫేక్‌ గూడ్స్‌ని ధ్వంసం చేయనున్నారు. వీటిల్లో అత్యధికంగా కాస్మొటిక్స్‌ అలాగే వైటెనింగ్‌ మరియు మెడికల్‌ క్రీమ్స్‌ వున్నట్లు గుర్తించారు. ప్రముఖ బ్రాండ్లని పోలి వుండేలా డూప్లికేట్స్‌ని మార్కెట్‌లోకి తెస్తున్నారు కొందరు అక్రమార్కులు. మునిసిపాలిటీ - డిపార్ట్‌మెంట్‌ ఆఫ్‌ పబ్లిక్‌ హెల్త్‌ డైరెక్టర్‌ డాక్టర్‌ సయీద్‌ మొహ్మద్‌ కర్వాష్‌ మాట్లాడుతూ, వినియోగదారులు ఫేక్‌ ప్రొడక్ట్స్‌ విషయంలో అప్రమత్తంగా వుండాలనీ, అనుమానం వస్తే అధికారులకు సమాచారం ఇవ్వాలని విజ్ఞప్తి చేశారు. తక్కువ ధరకే వస్తున్నాయన్న ఆలోచనతో ఫేక్‌ ప్రోడక్ట్స్‌ని ఎంకరేజ్‌ చేస్తే, అవి ఆరోగ్యానికి హానికరమవుతాయని ఆయన చెప్పారు.