దోహా: ఇండియన్‌ కల్చరల్‌ సెంటర్‌, బాలీవుడ్‌ డాన్స్‌ మరియు ఫిట్‌నెస్‌పై వర్క్‌ షాప్‌ని నిర్వహించింది. మొత్తం 40 మంది పార్టిసిపెంట్స్‌ ఈ వర్క్‌షాప్‌లో పాలుపంచుకున్నారు. అశోకా హాల్‌లో జరిగిన ఈ వర్క్‌షాప్‌ని భావనా సాగర్‌ నాయక్‌ నేతృత్వంలో నిర్వహించారు. 10 ఏళ్ళ నుంచి 50 ఏళ్ళ మధ్య వసున్నవారు ఇందులో పాల్గొన్నారు. పలు బాలీవుడ్‌ సాంగ్స్‌కి వీరంతా డాన్సులు చేశారు. స్ట్రెచింగ్‌, ఏరోబిక్స్‌, స్ట్రెంగ్త్‌ ట్రెయినింగ్‌ మరియు డాన్స్‌ ఫిట్‌నెస్‌ వంటివి ఇక్కడ ప్రధాన ఆకర్షణలుగా నిలిచాయి. కాగా, యోగా ఫర్‌ డాన్సర్స్‌ అండ్‌ కాంటెంపరరీ డాన్స్‌ అనే అంశంపై భావనా నాయక్‌ ఓ వర్క్‌ షాప్‌ని నిర్వహించబోతున్నారు. ఈ వర్క్‌షాప్‌లో పార్టిసిపేట్‌ చేయాలనుకునేవారు తప్పనిసరిగా రిజిస్ట్రేషన్‌ చేయించుకోవాలి. ప్రవేశం మాత్రం ఉచితం. భావనా సాగర్‌ నాయక్‌కి 16 ఏళ్ళ అనుభవం వుంది. వివిధ రకాలైన డాన్సులపై పరిశోధన, ప్రయోగాలు భావనాసాగర్‌ ప్రత్యేకత.