మస్కట్: ఒమన్‌లోని పలు ప్రాంతాల్లో క్యుములస్‌ క్లౌడ్స్‌ కారణంగా భారీ వర్షాలు కురిసే అవకాశం వుంది. మూడు రోజులపాటు ఈ వర్షాలు కురుస్తాయని పబ్లిక్‌ అథారిటీ ఫర్‌ సివిల్‌ ఏవియేషన్‌ వెల్లడించింది. అల్‌ హజార్‌ మరియు సమీప ప్రాంతాల్లో వర్షాలు కురుస్తాయనని సివిల్‌ ఏవియేషన్‌ పేర్కొంది. భారీ వర్షాలకు తోడు బలమైన గాలులు కూడా వుంటాయని తెలిపింది పబ్లిక్‌ అథారిటీ ఫర్‌ సివిల్‌ ఏవియేషన్‌. దోఫార్‌ గవర్నరేట్‌ పరిధలోనూ, సమీపంలోని మౌంటెయిన్స్‌లో కూడా వర్షాలు కురుస్తాయి. ఆకాశం మేఘావృతమయి వుంటుందనీ, ఉష్ణోగ్రతలు గణనీయంగా తగ్గుతాయనీ అధికారులు వెల్లడించారు. మస్కట్‌ గవర్నరేట్‌లో 39 డిగ్రీలు, సలాలాలో 27 డిగ్రీల ఉష్ణోగ్రతలు నమోదవుతాయి. అ్యధికంగా అల్‌ బురైమిలో 43 డిగ్రీలు వుండొచ్చు. అత్యల్పంగా షామ్స్‌ మౌంటెయిన్‌లో 17 డిగ్రీల ఉష్ణోగ్రత నమోదయ్యింది.