ఆసియాకి చెందిన వసలదారుడిని షార్జా పోలీసులు అరెస్ట్‌ చేశారు. నిందితుడిపై 106 ట్రాఫిక్‌ ఉల్లంఘన కేసులు నమోదయ్యాయి. ఈ ఉల్లంఘనలకు సంబంధించి 1.138 మిలియన్‌ దిర్హామ్‌లు జరీమానా చెల్లించాల్సి వుంది. 31 ఏళ్ళ డ్రైవర్‌, ప్రయాణీకుల్ని చట్ట వ్యతిరేకంగా తన వహనంలో ఎక్కించుకుంటుండగా గుర్తించిన పోలీస్‌ పెట్రోల్‌, నిందితుడ్ని అరెస్ట్‌ చేయడం జరిగింది. జులై 24న నిందితుడ్ని అరెస్ట్‌ చేశామనీ, విచారణలో అతను 106 ట్రాఫిక్‌ ఉల్లంఘనలకు పాల్పడినట్లు తేలిందని వాసిత్‌ పోలీస్‌ స్టేషన్‌ యాక్టింగ్‌ డైరెక్టర్‌ లెఫ్టినెంట్‌ కల్నల్‌ మొహమ్మద్‌ అబ్దుల్‌ రెహ్మాన్‌ బిన్‌ కాస్‌ముల్‌ చెప్పారు. వాహనదారులు రోడ్‌ సేఫ్టీని దృష్టిలో పెట్టుకుని నిబంధనలకు అనుగుణంగా వాహనాలు నడపాలని పోలీసులు సూచిస్తున్నారు.