మస్కట్‌: రాయల్‌ ఒమన్‌ పోలీస్‌ 17 మంది వలసదారుల్ని అరెస్ట్‌ చేసినట్లు వెల్లడించింది. లేబర్‌ మరియు రెసిడెన్స్‌ చట్టం ఉల్లంఘన అభియోగాలు వీరిపై మోపబడినట్లు ఆన్‌లైన్‌లో విడుదల చేసిన ప్రకటనలో రాయల్‌ ఒమన్‌ పోలీస్‌ పేర్కొనడం జరిగింది. నార్త్‌ బతినా కమాండ్‌ వీరిని అరెస్ట్‌ చేసినట్లు ఆర్‌ఓపి వివరించింది. అరెస్ట్‌ అయినవారంతా ఆసియా జాతీయులని తెలిపారు అధికారులు. విదేశీయులకు వర్తించే లీగల్‌ వర్క్‌ మరియు రెసిడెన్సీ చట్టాల్ని నిందితులు ఉల్లంఘించారనీ, ఈ నేపథ్యంలో నిందితులపై చట్టపరమైన చర్యలు తీసుకోబడ్తాయని అధికారులు స్పష్టం చేశారు.