దక్షిణ తెలంగాణ విద్యుత్ పంపిణీ సంస్థ (TSSPDCL) నోటిఫికేషన్ జారీ చేయడానికి ఏర్పాట్లు చేస్తోంది. ఆగస్ట్ 03 లేదా 23వ తేదీన 2 వేల 525 ఉద్యోగాలకు నోటిఫికేషన్ విడుదల చేయాలని అధికారులు భావిస్తున్నారు. 25 జూనియర్ పర్సనల్ ఆఫీసర్స్, 500 జూనియర్ అసిస్టెంట్ కమ్ కంప్యూటర్ ఆపరేటర్, 2 వేల జూనియర్ లైన్ మెన్ పోస్టులను భర్తీ చేయనుంది. అక్టోబర్ 13 ఉదయం జేపీఓ పోస్టులకు, మధ్యాహ్నం జేఎల్‌ఎం పోస్టులకు, అక్టోబర్ 20 ఉదయం జూనియర్ అసిస్టెంట్ పోస్టులకు రాత పరీక్ష నిర్వహించనున్నారు. ఆగస్ట్ 03న నోటిఫికేషన్ జారీ చేస్తే.. ఆగస్ట్ 06 నుంచి జూనియర్ లైన్ మెన్ పోస్టులకు దరఖాస్తులను స్వీకరిస్తారు. జేపీఓ పోస్టులకు 14 నుంచి జూనియర్ అసిస్టెంట్ పోస్టులకు 21 నుంచి దరఖాస్తులను ఆహ్వానించనున్నారు. 23వ తేదీన నోటిఫికేషన్ జారీ చేస్తే 26 నుంచి జేఎల్ఎం పోస్టులకు, 27 నుంచి జేపీఓ పోస్టులకు, 28 నుంచి జూనియర్ అసిస్టెంట్ పోస్టులకు దరఖాస్తులను స్వీకరించనుంది.