కేఫ్ కాఫీ డే అధినేత వీజీ సిద్ధార్థ అదృశ్యం కావడంతో చికుమంగళూరులోని కేఫ్ కాఫీ డే ఫ్యాక్టరీ గేట్లు మూసివేశారు. అందులో పనిచేసే ఉద్యోగులను ఇళ్లకు వెళ్లిపోవాలని అక్కడి సిబ్బంది చెప్పారు. సిద్ధార్థ అదృశ్యంపై కేఫ్ కాఫీ డే ఉద్యోగులు ఆందోళన చెందుతున్నారు. ఆ ఫ్యాక్టరీ బయట వేచి ఉన్న ఓ కార్మికుడు మాట్లాడుతూ.. ఆయన తమకు దేవుడితో సమానమని, మేం మూడు పూటలా తినగలుగుతున్నామంటే ఆయన చలవేనని చెప్పాడు.

ఇదిలా ఉంటే.. సిద్ధార్థ ఆచూకీ తెలియకపోవడంతో ఆయన కుటుంబ సభ్యులు కన్నీరుమున్నీరవుతున్నారు. ఆయన నేత్రావతి నదిపై ఉన్న బ్రిడ్జిపై నుంచి దూకి ఆత్మహత్య చేసుకుని ఉండొచ్చని పోలీసులు భావిస్తున్నారు. నదిలో గజ ఈతగాళ్లతో పాటు కొన్ని బృందాలు వెతుకులాట మొదలుపెట్టాయి.