దహ్రాన్‌: కింగ్‌ అబ్దుల్‌ అజీజ్‌ సెంటర్‌ ఫర్‌ వరల్డ్‌ కల్చర్‌ (ఇఠారా) రెండో ఎడిషన్‌ వార్షిక తన్వీన్‌ క్రియేటివిటీ సీజన్‌ని ప్రకటించింది. అక్టోబర్‌లో ఈ సీజన్‌ ప్రారంభం కాబోతోంది. అంతర్జాతీయ స్థాయి స్పీకర్స్‌, గెస్ట్‌లు ఇక్కడ జరిగే సెమినార్లు, వర్క్‌ షాప్‌లలో పాల్గొంటారు. కింగ్‌డమ్‌ అలాగే రీజియన్‌కి చెందిన ఔత్సాహిక ప్రొఫెషనల్స్‌ కోసం ఈ కార్యక్రమాలు నిర్వహిస్తున్నారు. 2018 ఎడిషన్‌లానే సెకెండ్‌ ఇయర్‌ కూడా ఇంటరాక్టివ్‌ ఆర్ట్‌ ఇన్‌స్టలేషన్స్‌, ఎగ్జిబిషన్స్‌, యాక్టివిటీస్‌తో గ్రాండ్‌గా ప్లాన్‌ చేస్తున్నారు. అన్ని వయసులకు చెందినవారికీ ఈ సీజన్‌ ఎంతో ఆకర్షణీయంగా వుండేలా తీర్చిదిద్దుతున్నట్లు నిర్వాహకులు తెలిపారు. ఇఠారా డైరెక్టర్‌ అలి అల్‌ ముటైరి మాట్లాడుతూ, ఈ ఈవెంట్‌ ద్వారా సౌదీ యువతలో క్రియేటివిటీని ప్రపంచానికి తెలియజేయడంతోపాటు, వారి టాలెంట్‌ని మరింత పెంచేందుకు వీలవుతుందని అన్నారు.