దుబాయ్‌ పోలీసులు ఓ వ్యక్తిని అదుపులోకి తీసుకున్నారు. వీధుల్లో డబ్బుని వెదజల్లుతూ ఓ వ్యక్తి హంగామా చేశాడు. దీనికి సంబంధించి ఓ వీడియో సోషల్‌ మీడియాలో వైరల్‌గా మారింది. కాగా, నిందితుడు తన నేరాన్ని అంగీకరించాడు. సోషల్‌ మీడియాలో ఆ వీడియోని పోస్ట్‌ చేయడం ద్వారా పాపులారిటీ సంపాదించొచ్చనే ఉద్దేశ్యంతోనే తాను అలా చేసినట్లు పేర్కొన్నాడు నిందితుడు. సోషల్‌ మీడియాని బాధ్యతాయుతంగా వినియోగించాల్సి వుంటుందని డైరెక్టర్‌ ఆఫ్‌ సెక్యూరిటీ మీడియా డిపార్ట్‌మెంట్‌ - దుబాయ్‌ పోలీస్‌ కల్నల్‌ ఫైసల్‌ అల్‌ కాసిమ్‌ చెప్పారు. పబ్లిసిటీ కోసం లోకల్‌ వాల్యూస్‌ని దెబ్బతీసేలా వ్యవహరిస్తే కఠిన చర్యలు తప్పవని ఆయన హెచ్చరించారు.