ఖతార్‌: గత కొన్ని సంవత్సరాలుగా కటారా కల్చరల్‌ విలేజ్‌, ప్రముఖ ఈవెంట్స్‌ని సెలబ్రేట్‌ చేసుకోవడానికి గొప్ప వేదికగా ఖతార్‌లో అభివృద్ధి చెందింది. ఈ ఈద్‌ సందర్భంగా కటారా కల్చరల్‌ విలేజ్‌, పెద్దలకు పిల్లలకు అద్భుతమైన కార్యక్రమాలతో సిద్ధమయ్యింది. ఆగస్ట్‌ 14 వరకు ప్రతిరోజూ సాయంత్రం 4 గంటల నుంచి రాత్రి 10 గంటల వరకు ఈ ప్రత్యేక కార్యక్రమాలు కొనసాగుతాయి. త్రీడీ షోలు (డాన్‌ ఆఫ్‌ ది స్పేస్‌ ఏజ్‌, ది పెర్‌ఫెక్ట్‌ లిటిల్‌ ప్లానెట్‌, ఆస్ట్రోనాట్‌) ఇక్కడి ప్రధాన ఆకర్షణలుగా వున్నాయి. మిలిటరీ బ్యాండ్‌ మ్యూజికల్‌ ప్రెజెంటేషన్‌ మరో ప్రధాన ఆకర్షణ. పిల్లలకు కటారా కల్చరల్‌ విలేజ్‌లో ప్రత్యేకంగా వినోద కార్యక్రమాల్ని పొందుపరిచారు. రాత్రి 10 గటలకు ఫైర్‌ వర్క్స్‌ మరో ప్రధాన ఆకర్షణగా చెప్పుకోవచ్చు. వేలాది మంది ఈ ఈవెంట్‌లో పాల్గొంటారని నిర్వాహకులు అంచనా వేస్తున్నారు.