దుబాయ్:పబ్లిక్‌ సెక్టార్‌లో పనిచేస్తోన్న వ్యక్తులు ఆఫ్‌ డ్యూటీలో వున్నప్పుడూ నైతిక బాధ్యతగా విధులు నిర్వహిస్తూ పెద్ద మనసు చాటుకుంటున్నారు. షార్జాలో దుబాయ్‌ పోలీస్‌ అధికారి ఒకరు, ఆఫ్‌ డ్యూటీలో వుండి కూడా ఓ వాహనదారుడికి సాయం చేశారు. టైర్‌ బరస్ట్‌ కావడంతో దిక్కు తోచని స్థితిలో రోడ్డుపై వాహనంతో నిలిచిపోయిన ఓ భారతీయ వలసదారుడికి సాయం చేశారు ఆ అధికారి. కేరళకు చెందిన దుబాయ్‌ రెసిడెంట్‌ అబ్దుల్‌ వహాబ్‌ ఆ సంఘటనను వివరిస్తూ, ఓ పోలీస్‌ అధికారి తనకు చేసిన సాయాన్ని ఎప్పుడూ మర్చిపోలేనని అన్నారు. నైట్‌ డ్యూటీ ముగించుకుని వస్తున్న ఓ అధికారి, తన కష్టాన్ని చూసి సాయం చేశారనీ, ఇతరులెవరూ అంత వేడి వాతావరణంలో తనకు సాయం చేసేందుకు ముందుకు రాలేదని అన్నారాయన. అయితే, సదరు అధికారి వివరాల్ని వాహబ్‌ వెల్లడించలేదు.