అత్యంత వేడిగా వున్న సమయంలో ఓ చిన్నారిని కారులోనే వదిలేశారు తల్లిదండ్రులు. అల్‌ నధాలో ఈ ఘటన జరిగింది. ఆదివారం రాత్రి ఈ ఘటన చోటు చేసుకోగా, షార్జా పోలీసులు కారులోని చిన్నారిని రక్షించారు. చిన్నారి కారులో చిక్కుకుపోయిన విషయాన్ని పోలీసులకు చేరవేయడంతో, సకాలంలో పోలీసులు స్పందించారు. సంఘటనా స్థలానికి పోలీస్‌ పెట్రోల్‌ చేరుకుని, చిన్నారిని రక్షించడం జరిగింది. చిన్నారిని తల్లిదండ్రులు కారులో మర్చిపోయినట్లు గుర్తించారు. కారులో ఆక్సిజన్‌ శాతం తగ్గిపోవడంతో, చిన్నారికి శ్వాసకోస సమస్యలు తలెత్తి, కారు డోరు కూడా తీయలేకపోయినట్లు పోలీసులు తెలిపారు. ప్రస్తుతం చిన్నారి పరిస్థితి బాగానే వున్నట్లు పోలీసులు తెలిపారు.