పార్కింగ్‌ స్లాట్‌లో కారుని వుంచే క్రమంలో ఆ కారు స్ట్రెయిట్‌గా వుందా.? వంకరగా వుందా.? రివర్స్‌లో వుందా.? ఈ అంశాలపై అబుదాబీ పోలీసుల వార్నింగ్‌ని ఇకపై పరిగణనలోకి తీసుకోవాల్సి వుంటుంది. పార్కింగ్‌ స్లాట్స్‌లో మాత్రమే కాదు, ఇంట్లోంచి కారుని బయటకు తీసేటప్పుడూ అప్రమత్తంగా వుండాలని అబుదాబీ పోలీసులు సూచిస్తున్నారు. ఈ మేరకు ఓ వీడియో కూడా సోషల్‌ మీడియాలో ఉంచారు అబుదాబీ పోలీసులు. పార్కింగ్‌ చేసే సమయంలో ఎట్టి పరిస్థితుల్లోనూ మొబైల్‌ ఫోన్‌ వినియోగించరాదని అబుదాబీ పోలీస్‌ హెచ్చరించింది. పార్కింగ్‌ స్పేస్‌లో కారుని పార్క్‌ చేసేటప్పుడు బయటకు తీసేటప్పుడు, పరిసరాల్ని గమనించాలనీ, చిన్న పిల్లలు కారు కింద చిక్కుకుపోయే ప్రమాదం వుంటుందని అధికారులు చెబుతున్నారు.