వివిధ దేశాలకు సంబంధించిన 17 మంది అనుమానితుల్ని పబ్లిక్‌ ప్రాసిక్యూషన్‌, తహ్‌సీల్‌ ఎలక్ట్రానిక్‌ సిస్టమ్‌కి సంబంధించిన ఫ్రాడ్‌ మరియు ఉల్లంఘనల నేపథ్యంలో నిందితులుగా చేర్చింది. ఇతరులకు సంబంధించిన వర్క్‌ పర్మిట్స్‌ విషయమై తక్కువ మొత్తంలో డ్యూ ఫీజులు చెల్లించడం అలాగే ప్రస్తుత చట్టాల్ని ఉల్లంఘించినట్లు నిందితులపై అభియోగాలు మోపబడ్డాయి. మినిస్ట్రీకి సంబంధించిన ఇంటర్నల్‌ కంట్రోల్‌ సిస్టమ్‌ ఇలాంటి ఉల్లంఘనలను తేలిగ్గానే గుర్తు పడుతుందని, నిందితులు తప్పించుకోలేరని మినిస్ట్రీ సపోర్ట్‌ సర్వీసెస్‌ ఎఫైర్స్‌ అసిస్టెంట్‌ అండర్‌ సెక్రెటరీ మొహమ్మద్‌ సక్ర్‌ అల్‌ నౌమి చెప్పారు.