యూఏఈ ఫెడరల్‌ అథారిటీ ఫర్‌ గవర్నమెంట్‌ హ్యూమన్‌ రిసోర్సెస్‌, హిజ్రి న్యూ ఇయర్‌ మొదటి రోజును అధికారికంగా ప్రకటించడం జరిగింది ముహర్రమ్‌ 1, 1441 - శనివారం ఆగస్ట్‌ 31న వచ్చినట్లు వెల్లడించారు. ఈ మేరకు ట్విట్టర్‌ ద్వారా వివరించడం జరిగింది. రెగ్యులర్‌ వర్కింగ్‌ అవర్స్‌ ఆదివారం, సెప్టెంబర్‌ 1 నుంచి యధాతథంగా కొనసాగుతాయి. కాగా, ముహర్రమ్‌ 1 క్రిసెంట్‌ని సౌదీ అరేబియాలోని తమిర్‌ అబ్జర్వేటరీ ద్వారా గుర్తించారు. అబుదాబీ క్రౌన్‌ ప్రిన్స్‌, యూఏఈ ఆర్మ్‌డ్‌ ఫోర్సెస్‌ సుప్రీమ్‌ కమాండర్‌ షేక్‌ మొహమ్మద్‌ బిన్‌ జాయెద్‌ అల్‌ నహ్యాన్‌, ట్విట్టర్‌ ద్వారా యూఏఈ ప్రజలకు, ఇస్లామిక్‌ సమాజానికి శుభాకాంక్షలు తెలిపారు.