కోలీవుడ్‌ స్టార్‌ కమెడియన్‌ యోగి బాబు ఓ బాలీవుడ్‌ చిత్రంలో నటించ నున్నట్టు వార్తలు వినిపిస్తున్నాయి. ఆయన నటించనున్న మొదటి చిత్రం అది కూడా బాలీవుడ్‌ స్టార్‌హీరో ఆమీర్‌ఖాన్‌ చిత్రం కావడం విశేషం. అమీర్‌ఖాన్‌ నటించనున్న ఓ చిత్రంలో మక్కల్‌ సెల్వన్‌ విజయ్‌సేతుపతి నటించనున్న విషయం తెలిసిందే. ఇటీవల జరిగిన ఓ కార్యక్రమంలో ఈ విషయాన్ని ఆమీర్‌ఖాన్‌ కూడా తెలిపారు. ప్రస్తుతం ఆ చిత్ర ప్రారంభ పనులు శరవేగంగా జరుగుతున్న నేపథ్యంలో హస్యనటుడు యోగిబాబు కూడా ఈ చిత్రంలో నటించనున్నట్టు సమాచారం. ఇటీవల యోగిబాబు కూడా ఈ విషయంపై స్పందించి ప్రస్తుతం ఆమీర్‌ఖాన్‌ నటించనున్న చిత్రంలో నటించేందుకుగాను చర్చలు జరుగుతున్నాయని, అందుకు సంబంధించి త్వరలో అధికారిక ప్రకటన విడుదలకానుందని తెలిపారు. ఈ చిత్రంలో విజయ్‌ సేతుపతి తమిళుడి పాత్రలోనే నటిస్తుండడంతో ఆయన స్నేహితుడి పాత్రలో యోగిబాబు నటించనున్నారని కోలీవుడ్‌ వర్గాలు చెబుతున్నాయి.