అల్‌ఖోబార్‌: అబ్దుల్లా బిన్‌ మొహమ్మద్‌ అబాబ్‌తైన్‌ హెరిటేజ్‌ మ్యూజియం, సుల్తన్‌ బిన్‌ అబ్దుల్‌ అజీజ్‌ సెంటర్‌ ఫర్‌ సైన్స్‌ అండ్‌ టెక్నాలజీ (సైటెక్‌)తో కలిసి హెరిటేజ్‌ ఎగ్జిబిషన్‌ని, సౌదీ నేషనల్‌ డే సెలబ్రేషన్స్‌లో భాగంగా ప్రారంభించడం జరిగింది. కింగ్‌ ఫహాద్‌ యూనివర్సిటీ ఆఫ్‌ పెట్రోలియం అండ్‌ మినరల్స్‌ ప్రెసిడెంట్‌ డాక్టర్‌ సహల్‌ అబ్దుల్‌ జవాద్‌ సమక్షంలో ఈ కార్యక్రమం ప్రారంభమయ్యింది. సీ లైఫ్‌, డైవింగ్‌కి సంబంధించి చాలా అంశాలు ఈ మ్యూజియంలో పొందుపర్చారు. హెరిటేజ్‌ వెపన్స్‌ ప్రదర్శన కోసం ప్రత్యేకంగా ఇక్కడ ఏర్పాట్లు జరిగాయి. ఫోల్క్‌లోర్‌, ప్రాచీన కాల ఉపకరణాలు, ఇస్లామిక్‌ కరెన్సీ వంటివి కూడా పొందుపర్చడం జరిగింది. మ్యూజియం సూపర్‌వైజర్‌ మొహ్మద్‌ అబాబ్‌తైన్‌ మాట్లాడుతూ, చరిత్రకీ వర్తమానానికీ వారధిలా ఈ మ్యూజియంని ఏర్పాటు చేశామని అన్నారు.