యూఏఈ వ్యాప్తంగా హ్యుమిడిటీతో కూడిన వాతావరణం కొనసాగనుంది. కొన్ని చోట్ల ఆకాశం మేఘావృతమయి వుంటుంది. నేషనల్‌ సెంటర్‌ ఫర్‌ మిటియరాలజీ వెల్లడించిన వివరాల ప్రకారం, శుక్రవారం వరకూ వాతావరణ పరిస్థితులు దాదాపుగా ఇలానే వుంటాయి. రాత్రి వేళల్లో హ్యుమిడిటీ బాగా పెరుగుతుంది. ఉదయం సమయాల్లోనూ ఇది ఎక్కువగానే వుంటుంది. ఉష్ణోగ్రతలు 39 నుంచి 43 డిగ్రీల వరకు ఇంటీరియర్‌ రీజియన్స్‌లో వుంటాయి. కోస్ట్‌ ప్రాంతాల్లో 36 నుంచి 40 డిగ్రీల వరకు ఉష్ణోగ్రతలు వుండొచ్చు. మౌంటెయిన్స్‌లో 25 నుంచి 31 మధ్య ఉష్ణోగ్రతలు నమోదవుతాయి. దుబాయ్‌లో అత్యధికంగా 39 డిగ్రీల వరకు, అబుదాబీలో 41 డిగ్రీల వరకు, సార్జాలో 40 డిగ్రీల వరకు ఉష్ణోగ్రతలు నమోదయ్యే అవకాశాలున్నాయి. గాలుల వేగం సాధారణ స్థితిలోనే వుంటుంది. అత్యధికంగా గంటకు 38 కిలోమీటర్ల వేగంతో గాలులు వీయొచ్చు.