సాధారణంగా భార్యభర్తల మధ్య గొడవలొస్తే.. `నీకు రాత్రికి భోజనం ఉండద`ని భర్తలను భార్యలు బెదిరిస్తుంటారు. బాలీవుడ్ స్టార్ హీరోయిన్ దీపికా పదుకొనే కూడా తన భర్త, స్టార్ హీరో రణ్‌వీర్‌ను అలాగే బెదరిస్తోంది. ఎక్కువ మాట్లాడితే నైట్ డిన్నర్ కట్ అంటూ సోషల్ మీడియా ద్వారా వార్నింగ్ ఇచ్చింది.
 
ఇంతకీ ఏమి జరిగిందంటే.. తన చిన్నప్పటి ప్రోగ్రెస్‌ రిపోర్ట్ ఫొటోను దీపిక తాజాగా తన ఇన్‌స్టాగ్రామ్ అకౌంట్‌లో షేర్ చేసింది. `దీపిక.. చెప్పిన మాట సరిగ్గా వినద`ని టీచర్ రాసిన కంప్లైంట్ ఆ రిపోర్ట్‌లో ఉంది. దీనికి స్పందించిన రణ్‌వీర్.. `అవును టీచర్.. మీరు కరెక్ట్‌గానే చెప్పార`ని కామెంట్ చేశాడు. ఈ కామెంట్‌కు దీపిక స్పందిస్తూ.. `ఇవాళ రాత్రి నీకు డిన్నర్ కట్` అంటూ రిప్లై ఇచ్చింది.