కువైట్‌: ఫర్వానియా పోలీస్‌, ఓ భారత వలసదారుడ్ని అరెస్ట్‌ చేశారు. స్థానికంగా తయారు చేసిన అలాగే ఇంపోర్ట్‌ చేసిన ఆల్కహాల్‌ని నిందితుడు కలిగి వుండడం, విక్రయిస్తుండడం వంటి అభియోగాల మేరకు అతన్ని అరెస్ట్‌ చేసినట్లు పోలీసులు వెల్లడించారు. ట్రాఫిక్‌ చట్టం ఉల్లంఘన నేపథ్యంలో తొలుత నిందితుడ్ని జిలీబ్‌ అల్‌ షుయోక్‌లో అరెస్ట్‌ చేశారు. విచారణలో, నిందితుడు తాను ఆల్కహాల్‌ని విక్రయిస్తున్నట్లు పేర్కొన్నాడు. నిందితుడితోపాటు, అతను ఎవరికైతే ఆల్కహాల్‌ సరఫరా చేస్తున్నాడో అతన్నీ అదుపులోకి తీసుకున్న పోలీసులు, జనరల్‌ డైరెక్టరేట్‌ ఆఫ్‌ డ్రగ్స్‌ అండ్‌ ఆల్కహాల్‌ కంట్రోల్‌కి రిఫర్‌ చేశారు.