మినిస్టర్‌ ఆఫ్‌ లేబర్‌ మరియు సోషల్‌ ఎఫైర్స్‌ డాక్టర్‌ అబ్దుల్లా బిన్‌ సలే అల్‌ ఖులైఫి మాట్లాడుతూ, కార్మిక చట్టాల్ని కఠినంగా అమలు చేస్తామని, ఖతార్‌ నేషనల్‌ డెవలప్‌మెంట్‌ స్ట్రేటజీలో భాగంగా కార్మిక వ్యవస్థను బలోపేతం చేస్తామని అన్నారు. మినిస్ట్రీ తరఫున 30 మంది ఇన్‌స్పెక్టర్లు పనిచేస్తున్నారని చెప్పారాయన. ఇన్‌స్పెక్టర్ల ట్రెయినింగ్‌ సెషన్‌లో మినిస్టర్‌ మాట్లాడారు. అరబ్‌ లేబర్‌ ఆర్గనైజేషన్‌ సహకారంతో ఈ ట్రైనింగ్‌ సెషన్‌ జరుగుతుంది. జనవరి 21 వరకు ఈ సెషన్‌ జరగనుంది. కార్మికుల వేతనానికి సంబంధించి చట్టాలు కఠినంగా అమలు చేయబడ్తాయనీ, తద్వారా చట్టబద్ధమైన వలస కార్మికులకు మేలు జరుగుతుందని మంత్రి అన్నారు. వలస కార్మికులు దేశంలోకి రావడం, వెళ్ళడంలో వెసులుబాట్లు కల్పించేలా చట్టం తీసుకొచ్చామనీ, కార్మిక వ్యవస్థను అది ఇంకా బలోపేతం చేస్తుందని మంత్రి అబ్దుల్లా బిన్‌ సలే చెప్పారు.