'కడైకుట్టి సింగం'తో ఫ్యామిలీ ఆడియన్స్‌ను మెప్పించిన కోలీవుడ్‌ క్రేజీ హీరో కార్తీ ప్రస్తుతం 'ఖైదీ' చిత్రంలో నటిస్తున్న విషయం తెలిసిందే. లోకేష్‌ నాగరాజ్‌ దర్శకత్వంలో తెరకెక్కుతున్న ఈ చిత్రం విడుదలకు సిద్ధమవుతోంది. దీపావళికి విజయ్‌ 'బిగిల్‌'తో పాటు 'ఖైదీ' కూడా ప్రేక్షకుల ముందుకు వస్తుందని ఇదివరకే ప్రకటించారు. ఆ ప్రకారమే షూటింగ్‌ పూర్తి చేసి, పోస్టుప్రొడక్షన్‌ పనుల్లో బిజీగా వున్నారు. ప్రమోషన్‌లో భాగంగా ఆయుధ పూజ రోజున ట్రైలర్‌ విడుదల చేయాలని చిత్రబృందం నిర్ణయించింది. ఇప్పటివరకు పోస్టర్లతోనే సరిపెట్టిన 'ఖైదీ' యూనిట్‌ ట్రైలర్‌తో సినిమాకు మరింత హైప్‌ వస్తుందని భావిస్తోంది.