అబుదాబీ: ఓ వాహనం ఓవర్‌టర్న్‌ అవడంతో రోడ్డు ప్రమాదం చోటు చేసుకోగా, ఇద్దరు ఎమిరేటీలకు తీవ్రగాయాలయ్యాయి. వీరిని వెంటనే ఎయిర్‌ అంబులెన్స్‌ ద్వారా హుటాహుటిన ముఫ్రాక్‌ హాస్పిటల్‌కి తరలించినట్లు అబుదాబీ పోలీస్‌ వెల్లడించింది. అబుదాబీలోని అల్‌ వత్బా ప్రాంతంలో ఈ ఘటన చోటు చేసుకుంది. సెంట్రల్‌ ఆపరేషన్స్‌ డిపార్ట్‌మెంట్‌ నుంచి కంట్రోల్‌ రూమ్‌కి సమాచారం అందగానే, సంఘటనా స్థలానికి సహాయ బృందాలు చేరుకుని, బాధితుల్ని ఆసుపత్రికి తరలించడం జరిగింది. ప్రస్తుతం బాధితులకు ఆసుపత్రిలో చికిత్స అందుతోంది.