బడిలో అలసి సొలసి పోయిన బుడతడు స్కూల్ బస్సులో హాయిగా నిద్రపోయాడు. అందరు పిల్లలను వారి వారి ఇళ్ళ వద్ద దించేసిన ఆ డ్రైవర్ బస్సును చీకటి పడిన తర్వాత షెడ్డులోనికి పెడ్తూ , వెనక్కి తిరిగచూసేసరికి , అమాయకంగా కిండర్ గార్డెన్ బుదతడు సీట్లో పడుకొని నిద్రపోవడం చూసి ఉలిక్కిపద్డాడు. వెంటనే తేరుకొని...తిరిగి అదే బస్సును నడుపుకొంటూస్కూల్ కు వచ్చి ఆ చిన్నారిని భద్రంగా యాజమాన్యానికి అప్పచెప్పి అందరి చేత ' శభాష్ ' అనిపించుకుంటున్నాడు ఆ డ్రైవర్. ఇదేదో చిన్న విషయమే కదా అని కొట్టిపారేసేవారికి ఏమీ చెప్పలేము కాని, ఇందులో ఎన్నోమానవీయ కోణాలు...మరెంతో సామాజిక స్పృహ వంటి పలు అంశాలు ముడుపడి ఉన్నాయి. ఈ వార్త వివరాలలోనికి వెళితే , దరసైట్ లోని ఒక ఇండియన్ స్కూల్ లో కిన్దర్ గార్డెన్ సిసింద్రి స్కూల్ బస్సులో నిద్రపోయి  పలువురికి సాయంత్రం వెళ చుక్కలు చూపించాడు. చివరికి పైన పేర్కొన్న విధంగా కధ సుఖాంతం అయ్యేసరికి అందరూ ఊపిరిపీల్చుకొన్నారు. ఈ సందర్భంగా ఇండియన్ స్కూల్ మేనేజ్మెంట్ బోర్డు అఫ్ డైరక్టర్ చైర్మన్ జార్జ్ విల్సన్ మాట్లాడుతూ , తమ బస్సు డ్రైవర్ అంకితభావానికి కృతజ్ఞతలు తెలిపారు.