కువైట్‌: ఇద్దరు ఇండియన్‌ గ్యారేజీ వర్కర్స్‌పై గుర్తు తెలియని వ్యక్తులు దాడి చేశారు. ఈ మేరకు బాధిత గ్యారేజీ వర్కర్స్‌ పోలీసులకు ఫిర్యాదు చేశారు. అబు హలీఫా పోలీస్‌ స్టేషన్‌లో ఫిర్యాదు చేసిన బాధితులు, నిందితుల్లో ఒకరు మిలిటరీ యూనిఫామ్‌ ధరించినట్లు ఫిర్యాదులో పేర్కొన్నారు. కారు రిపెయిర్‌ విషయమై తలెత్తిన వివాదమే ఈ ఘటనకు కారణమని పోలీసులు పేర్కొంటున్నారు. దాడికి సంబంధించి సిసిటీవీ కెమెరాలో అంతా రికార్డ్‌ అయి వుందని బాధితులు చెబుతున్నారు. బాధితుల ఫిర్యాదు మేరకు పోలీసులు కేసు నమోదు చేసి, విచారణ చేపట్టారు.