దుబాయ్‌లో తల్లిదండ్రులతో కలిసి నివసిస్తున్న ఓ వలసదారుడు, కెనడాలోని ఆరు ఎకరాల ఐలాండ్‌ని గెల్చుకున్నాడు. డిజిటల్‌ ఓన్లీ లైఫ్‌ స్టైల్‌ బ్యాంక్‌ - ఎమిరేట్స్‌ ఎన్‌బిడి నిర్వహించిన విన్‌ ఎ ప్రైవేట్‌ ఐలాండ్‌ కాంటెస్ట్‌లో విజేతగా నిలిచారు భారతీయ మూలాలున్న పోర్చుగీస్‌ జాతీయుడు బ్రెండన్‌ లోపెస్‌. కాగా, కెనడాలోని నోవా స్కోటియాలో ఈ ఐలాండ్‌ వుంది. దీని వైశాల్యం ఐదు ఫుట్‌ బాల్‌ ఫీల్డ్స్‌ అంత వుంటుందని అంచనా. ఇప్పటిదాకా తనకు సొంతంగా ఓ ఇల్లు లేదనీ, తన తల్లిదండ్రులతో కలిసి నివసిస్తున్నాననీ, తను ఓ ఐలాండ్‌ సొంతమవడం ఆశ్చర్యంగా వుందని లోపెస్‌ చెప్పారు.