బాహుబలి చిత్రబృందం లండన్ లో సందడి చేస్తున్న సంగతి తెలిసిందే. లండన్ లోని ప్రఖ్యాత రాయల్ ఆల్బర్ట్ హాల్ లో ఈ చిత్రం ప్రదర్శింపబడుతుంది. ఇప్పటి వరకు ఈ హాల్ లో అన్నీ ఇంగ్లీష్ చిత్రాలే ప్రదర్శింపబడ్డాయి. మొట్ట మొదటిసారి ఒక ఇంగ్లీషేతర చిత్రమైన బాహుబలి ఈ హాల్ లో ప్రదర్శింపబడటం రికార్డు.

ఈ హాల్ లో రాజమౌళి సాంప్రదాయ పంచె కట్టులో మెరిశాడు. భుజం మీద కండువాతో కనిపించి కనువిందు చేశాడు. తెలుగు సినిమాను ప్రపంచానికి పరిచయం చేయడమే కాదు ఆ ప్రపంచ వేదికపై తెలుగు సాంప్రదాయాన్ని కూడా పరిచయం చేశాడు. మొత్తానికి బాహుబలి సినిమాతో వహ్వా అనిపించిన రాజమౌళి పంచెకట్టుతో వారెవా అనిపించాడు. బాహుబలి సినిమాతో తెలుగు సినిమా గతి మారిపోయింది. బాలీవుడ్ వాళ్ళు సైతం అంత బడ్జెట్ కి భయపడి సినిమా తీయలేని రోజుల్లో మన తెలుగు సినిమాని శిఖరాగ్రాన నిలబెట్టిన దర్శకుడు రాజమౌళి.