తమిళ అగ్ర దర్శకుడు శంకర్, విశ్వ నటుడు కమల్ హాసన్ కాంబినేషన్ లో తెరకెక్కుతున్న చిత్రం `భారతీయుడు-2`. 1996లో వచ్చిన ‘భారతీయుడు’ చిత్రానికి ఇది సీక్వెల్‌. ఇటీవలే రాజమండ్రిలో చిత్రీకరణ పూర్తిచేసుకున్న ఈ చిత్రం షూటింగ్ ప్రస్తుతం మధ్యప్రదేశ్‌లోని భోపాల్‌లో జరుగుతోంది. ఈ సినిమాలో కమల్ సరసన కాజల్ అగర్వాల్ హీరోయిన్ గా నటిస్తున్న సంగతి తెలిసిందే.
 
ఈ సినిమా కోసం కాజల్ ప్రత్యేకంగా మార్షల్ ఆర్ట్స్ కూడా నేర్చుకుంది. ఈ సినిమాలో కాజల్‌ 85 ఏళ్ల వృద్ధురాలిగా కూడా కనిపించబోతోందని సమాచారం. 90 ఏళ్ల సేనాపతి భార్యగా కనిపించనుందట. ఫ్లాష్ బ్యాక్ ఎపిసోడ్ లో మాత్రమే కాజల్ యంగ్ గా కనిపిస్తుందని తెలుస్తోంది. ఆ ఎపిసోడ్ లోనే కాజల్ యాక్షన్ సీన్స్ వస్తాయట. సిద్ధార్థ్, రకుల్‌ప్రీత్‌ సింగ్ ఇతర ముఖ్య పాత్రలు పోషిస్తున్నారు.