సీనియర్‌ నటుడు రాజ్‌కిరణ్‌, నిన్నటితరం అందాలతార మీనా దాదాపు 28 ఏళ్ల తరువాత మళ్లీ కలిసి నటిస్తున్నారు. 1980ల్లో ఘనవిజయం సాధించిన 'ఎన్‌ రాసావిన్‌ మనసిలే' చిత్రంలో చివరిసారిగా వీరిద్దరూ కలిసి నటించారు. త్వరలో ప్రేక్షకుల ముందుకు రాబోతున్న 'కుబేరన్‌'లో మళ్లీ వీరిద్దరూ వెండితెరపై సందడి చేయబోతున్నారు. ఇందులో మలయాళ అగ్రనటుడు మమ్ముట్టి ప్రధాన పాత్ర పోషించారు. అజయ్‌ వాసుదేవ్‌ దర్శకత్వంలో తెరకెక్కిన మలయాళ చిత్రం 'షైలాక్‌' చిత్రానికి తమిళ అనువాదమిది. రాజ్‌కిరణ్‌ స్వయంగా 'కుబేరన్‌'ను తమిళనాడు వ్యాప్తంగా విడుదల చేస్తున్నారు.