యూఏఈలో బిచ్చగత్తెకు దేశ బహిష్కరణ విధించిన న్యాయస్థానం
- November 14, 2019అజ్మాన్: అరబ్ దేశాల్లో బిచ్చం ఎత్తుకోవడం నిషేధం. ఎవరైనా బిచ్చం ఎత్తుకుంటూ పోలీసుల కంటబడితే కటకటాల్లోకి వెళ్లాల్సిందే. ఇటీవల ఓ అరబ్ మహిళ ఇలాగే బిక్షాటన చేస్తూ పెట్రోలింగ్ నిర్వహిస్తున్న మహిళా పోలీస్ ఆఫీసర్కు కనిపించింది. దాంతో ఆమెను ప్రశ్నించిన పోలీస్ అధికారిణిపై దాడికి పాల్పడింది. తాజాగా ఈ కేసు యూఏఈ లోని అజ్మాన్ క్రిమినల్ కోర్టులో విచారణకు వచ్చింది. మహిళను దోషిగా తేల్చిన న్యాయస్థానం ఆమెకు 4 నెలల జైలు శిక్ష విధించింది. అలాగే శిక్షకాలం పూర్తైన వెంటనే దేశం విడిచిపెట్టి వెళ్లిపోవాలని ఆదేశించింది. వివరాల్లోకి వెళితే, అజ్మాన్ లోని అల్ నుయిమియా ప్రాంతంలో పెట్రోలింగ్ నిర్వహిస్తున్న మహిళా పోలీస్ అధికారిణికి 54 ఏళ్ల అరబ్ మహిళ బిక్షాటన చేస్తూ కనిపించింది. దీంతో యాంటీ బెగ్గింగ్ డ్రైవ్లో భాగంగా పోలీసుల ప్రోటోకాల్ ప్రకారం బిచ్చగత్తేను ఐడీ చూపించాలని పోలీస్ అధికారిణి కోరింది.
అంతే, తన వద్ద ఎలాంటి ధృవపత్రాలు లేవని, ఏం చేసుకుంటారో చేసుకోమంటూ దురుసుగా ప్రవర్తించింది. వారించబోయిన పోలీస్ ఆఫీసర్పై దాడి చేసి సదరు మహిళ అక్కడి నుంచి తప్పించుకుంది. దీంతో రంగంలోకి దిగిన పోలీసులు నిందితురాలిని అదుపులోకి తీసుకుని తాజాగా కోర్టులో హాజరుపరిచారు. విచారణలో తాను పోలీస్ ఆఫీసర్పై దాడి చేయలేదని బుకాయించిందా మహిళ. దాంతో పోలీసులు అధికారిణిపై దాడి జరిగి గాయపడడంతో ఆసుపత్రిలో చికిత్స పొందిన మెడికల్ రిపోర్టును న్యాయస్థానం ముందు ఉంచారు. దీంతో కోర్టు బిచ్చగత్తేను దోషిగా తేల్చింది. అనంతరం ఆమెకు 4 నెలల జైలుతో పాటు దేశ బహిష్కరణ శిక్షను విధిస్తూ తీర్పునిచ్చింది.
తాజా వార్తలు
- హ్యూమన్ ట్రాఫికింగ్ గ్యాంగ్ గుట్టు రట్టు చేసిన విశాఖ పోలీసులు..
- బాంబు దాడుల పై ఈసీ సీరియస్..బాటిళ్లలో ఇక పెట్రోల్కు నో
- ఆ దేశంలోని భారతీయ విద్యార్థులందరూ ఇళ్ల నుంచి బయటకు రాకండి: కేంద్ర మంత్రి ఎస్ జైశంకర్
- ప్రొఫెసర్ వెల్చ్ కు యూఏఈ ప్రెసిడెంట్ బంపరాఫర్..!
- యూఏఈలో స్వల్ప భూకంపం
- 'అర్ధరాత్రి దొంగ'కు ఏడాది జైలు, జరిమానా
- బహ్రెయిన్ టాలెంట్ హబ్.. ఔట్రీచ్ నివేదిక వెల్లడి
- పబ్లిక్ టాయిలెట్లలో జెమ్స్ భయమా? Dh10తో పరిష్కారం..!
- దోహా ఇంటర్నేషనల్ బుక్ ఫెయిర్లో కొత్త పోటీలు
- యాదాద్రిలో ప్లాస్టిక్ పై నిషేధం..ఉత్తర్వులు జారీ