దేశంలోని అన్ని భవనాల్నీ రివ్యూ చేయాలని యూఏఈ నిర్ణయించింది. ఇటీవల వరుసగా జరుగుతున్న అగ్ని ప్రమాదాల నేపథ్యంలో ఈ నిర్ణయం తీసుకున్నారు. దుబాయ్ మరియు పబ్లిక్ ఇన్స్టిట్యూషన్స్తో కలిపి మినిస్ట్రీ ఆఫ్ ఇంటీరియర్ ఓ సర్వే నిర్వహించనుంది. ఆ సర్వేలో వెలుగు చూసే అంశాల్ని బట్టి, కొన్ని నిబంధనల్ని అమల్లోకి తీసుకురానున్నారు. మార్చ్లో భవనాల రక్షణకు సంబంధించి 'కొత్త ఫైర్ సేఫ్టీ కోడ్'ని తీసుకురాబోతున్నారు. ఆ కోడ్ ప్రకారం, ఓ భవనంలో అగ్ని ప్రమాదం జరిగితే, దానికి పూర్తిగా ఆ భవన యజమానే బాధ్యత వహించాల్సి ఉంటుంది. అగ్ని ప్రమాదం కారణంగా జరిగే నష్టానికీ అతనే బాధ్యుడవుతాడు. ఓ భవనం తాలూకు నిర్వహణ విషయాన్ని సదరు భవన యజమాని చూసుకోవాలి. డెవలపర్ కాకుండా, థర్డ్ పార్టీ సంస్థ ద్వారా భవన నిర్మాణంలో భద్రతా ఏర్పాట్లనూ ఆ భవన యజమాని పర్యవక్షించాలి. అగ్ని ప్రమాదాలకు సంబంధించి గతంలో జరిగిన ఘటనల్ని పరిగణనలోకి తీసుకుంటామనీ, కొత్త కోడ్ ద్వారా దేశంలో అగ్ని ప్రమాదాల్ని పూర్తిగా నివారించేలా చర్యలు తీసుకుంటామని అధికారిక వర్గాలు వెల్లడించాయి.