దుబాయ్:ఏడాదిగా వెతుకుతున్న 'డెత్ ఏంజిల్స్' గ్యాంగ్ లీడర్ రాద్వాన్ తాగిని ఎట్టకేలకు దుబాయ్ పోలీసులు అరెస్ట్ చేశారు. డేంజర్ గ్యాంగ్ అత్యంత కరుడుగట్టిన క్రిమినల్ ముఠా. యూరప్, అఫ్రికా దేశాల్లో ఎన్నో నేరాలకు పాల్పడినట్లు అభియోగాలు ఉన్నాయి. నెదర్లాండ్స్, ఇంటర్ పోల్ సహాకారంతో రాద్వాన్ ను అరెస్ట్ చేసినట్లు అధికార వర్గాలు వెల్లడించాయి. ఏడాది క్రితమే నకిలీ గుర్తింపు కార్డుతో దుబాయ్ లోకి ప్రవేశించిన 41 ఏళ్ల రద్వాన్ పై అప్పట్లోనే అరెస్ట్ వారెంట్ జారీ అయ్యింది. అధికారుల నుంచి ఆదేశాలు అందుకున్న దుబాయ్ పోలీసు టీం అతని కోసం గాలింపు చేపట్టింది. ఎట్టకేలకు దుబాయ్ లో అతను ఉంటున్న ఇంట్లో సోదాలు చేపట్టి అరెస్ట్ చేశారు.